ಪ್ರೇಮದ ಓಲೆಯ ಓದಿದ ಮೇಲೆ
**********************
ನೀ ಕೊಟ್ಟ ಓಲೆಯನು
ಓದಿದ ಮೇಲೆ
ಪ್ರೀತಿಯು ಮೂಡಿತು
ಮನದಲ್ಲಿ
ನೀ ಬರೆದ ನೆನಪುಗಳು
ನನ್ನನ್ನು ಕಾಡಿರಲು
ಆ ದಿನಗಳ
ನಾ ಮರೆತಿಲ್ಲ
ಹೊಸ ಹೊಸ ಭಾವನೆ
ಹೊಸತನವಿದೆ
ಪ್ರೀತಿಯ ನುಡಿಗಳ
ಹೂಮಾಲೆ
ಸವಿಗಂಪನು ಸೂಸುತ
ಪ್ರೇಮವ ಹರಡಿದೆ
ನನ್ನೆದೆಯೊಳು
ನೀ ಮನೆ ಮಾಡಿದೆ
ಓಲೆಯಲಿ ಇರಲಿಲ್ಲ
ನಿನ್ನ ರೂಪವು
ನನ್ನ ಪುಸ್ತಕದೊಳು
ನಿನ್ನ ಹಳೆಯ ಭಾವಚಿತ್ರವು
ನೋಡಿದಾಗ ನನ್ನೆದುರು
ನೀ ಬಂದು ನಿಂತಂತೆ
ನವಿಲಿನಂತಹಾ ನಡಿಗೆ
ರೇಷ್ಮೆ ಸೀರೆಯ ಉಡುಗೆ
ಅದೇನು ಮಾಯೆಯೋ
ಆ ನಿನ್ನ ಚೆಲುವು
ಬೇಡುತಿದೆ ಪ್ರತಿದಿನವೂ
ನಿನ್ನನೇ ನನ್ನ ಮನವು
ನೀ ಕೊಟ್ಟ ಓಲೆಯನು
ಓದಿದ ಮೇಲೆ
ಪ್ರೀತಿಯು ಮೂಡಿತು
ಮನದಲ್ಲಿ
ಇಂದು ನಾ ಬರೆದಿರುವೆ
ಚೆಲುವೆಯೇ ನಿನ್ನ ನೆನಪಲಿ
ನೆನಪಿರಲಿ ಈ ಕವನ
ಮರೆಯದಿರು ಈ ಪ್ರಶಾಂತನ
ಪ್ರಶಾಂತ ಮನಸ್ಸಿನ
ಒಂದು ಪುಟ್ಟ ಪ್ರೇಮ ಕವನ.... :)
|| ಪ್ರಶಾಂತ್ ಖಟಾವಕರ್ ||
