ಗುಲಾಬಿ

ಗುಲಾಬಿ
~~~~~

ನೀನೊಂದು ಸುಂದರ ಗುಲಾಬಿಯಂತೆ 

ತುಂಬಾನೇ ಮೃದುವಾದ ಹುಡುಗಿಯಂತೆ..

ನಿನ್ನ ಸುತ್ತಲೂ ಹಚ್ಚ ಹಸಿರು ಮನಸ್ಸಿನ

ಮುದ್ದ ಗೆಳಯ ಗೆಳತಿಯರು ಇರುವರು..

ಬಾಳಿನ ಉದ್ದಗಲ ದಾರಿಯಂತೆ

ಅಲ್ಲಲ್ಲಿ ರೆಂಬೆ ಕೊಂಬೆ ಕಡ್ಡಿಗಳು

ನಡುವಲ್ಲಿ ನೋವನ್ನು ನೆನಪಿಸುವ

ನುಣುಪಾದ ಅಂಚಿನ ಮುಳ್ಳುಗಳು..

ಯಾವುದೋ ಒಂದು ಶುಭ ದಿನದಂದು

ನೀ ಸೇರುವೆ ಇನ್ಯಾರದೋ ಮುಡಿಯಲ್ಲಿ ,

ದೇವರ ಗುಡಿಯಲ್ಲಿ , ಪೂಜೆ ನಡೆಯುವಲ್ಲಿ

ಶೃಂಗಾರದ ವಸ್ತುವಾಗಿ ಅಲ್ಲಲ್ಲಿ ಅದ್ಬುತವಾಗಿ..

ಆಗ ನೀನು ಮರೆಯದಿರು ನಿನ್ನ ಜೊತೆಗಿನ

ಸವಿ ಸುದಿನಗಳ, ನಮ್ಮ ನೆನಪುಗಳ, ಮಾತುಗಳ,

ಮನಸ್ಸುಗಳ, ಭಾವನೆಗಳ, ಮಧುರ ಸಿಹಿ ಕ್ಷಣಗಳ, 

ಎಂದೆಂದೂ ನಿನ್ನ ಸುಖ ಬಯಸಿದವರು ನಾವೆಂದು..

ನಮ್ಮ ಜೊತೆ ಇರುವವರೆಗೂ ನಿನಗಿಲ್ಲಿ 

ನೋವಾಗದಂತೆ ನೋಡಿಕೊಂಡವರು..

ನಿನ್ನ ನಗುವಿಗಾಗಿ ಹಾಡುತ್ತ ಆಡುತ್ತ

ತಂಗಾಳಿಯಲ್ಲಿ ಜೊತೆಗೂಡಿ ಕುಣಿದಾಡುತ್ತಾ..

ಹೊಸ ಹೊಸ ಆಸೆಗಳಿಗೆ ಕನಸು ಕಟ್ಟುತ್ತಾ

ನಿನ್ನ ಬಾಳಿನುದ್ದಕ್ಕೂ ನಮ್ಮ ಹೋರಾಟ 

ಪ್ರೀತಿಯ ಸ್ನೇಹವನ್ನು ಶಾಶ್ವತವಾಗಿ ಉಳಿಸಲು

ಹೂವು ಎಲೆ ಕಾಯಿ ಕಾಂಡಗಳ ಕಥೆಯಿದು..

ನಿನ್ನ ಸೌಂದರ್ಯ ಹೆಚ್ಚಿಸಲು ಹಸಿರಿನ ಸಾಲು..

ಅಲ್ಲಲ್ಲಿ ಮುಳ್ಳುಗಳು ಇದ್ದರೂ ಲೆಕ್ಕಿಸದೇ..

ಪ್ರೀತಿಯಿಂದ ನಿನ್ನ ಸುಖ ಬಯಸುವ ನಾವುಗಳು

     ಬಾಳಿನ ದಾರಿಯುದ್ದಕ್ಕೂ ಎಲೆ ಮರೆಯ ಕಾಯಿಗಳು.. :)

|| ಪ್ರಶಾಂತ್ ಖಟಾವಕರ್ ||

ಇಲ್ಲಿ ಗುಲಾಬಿಯನ್ನು ಹುಡುಗಿಯರಿಗೆ ಹೋಲಿಸಿ ಬರೆದದ್ದು .. ನಮ್ಮ ಅಕ್ಕ-ತಂಗಿಯರು , ಸ್ನೇಹಿತೆಯರು ಮತ್ತು ಪರಿಚಯದ ಯಾವುದೇ ಹುಡುಗಿ ಮದುವೆ ಆದ ಮೇಲೆ ನಮ್ಮನ್ನು ಮರೆಯಬಾರದು ಅನ್ನುವ ಕಲ್ಪನೆಯಲ್ಲಿ ಬರೆದ ಕವನ.. :)

ಕನಸಿನ ಕಥೆ ಏನಿದು ಏಕಿದು ಏನೂ ಗೊತ್ತಿಲ್ಲ

ಕನಸಿನ ಕಥೆ 

ಏನಿದು ಏಕಿದು ಏನೂ ಗೊತ್ತಿಲ್ಲ

ಜಸ್ಟ್ ಫಾರ್ ಎ ಚೇಂಜ್ ..

ಐ ಲವ್ ಯು

ಆದರೆ ನೀನು ಯಾರು 

ಎಲ್ಲಿದ್ದೀಯಾ ಏನು ಗೊತ್ತಿಲ್ಲ

ಕನಸಲ್ಲಿ ಬಂದಾಗ

ತುಂಬಾ ಚೆನ್ನಾಗಿದ್ದೆ

ಅದಿಕ್ಕೆ ನಾಳೆನೂ ಬಾ..

ಅಂತ ನಾ ಹೇಳಿದ್ದೆ

ನಿಂಗೆ ಅದು ಇಷ್ಟಾನೋ

ಏನೋ ಒಂದು ಗೊತ್ತಿಲ್ಲ

ನೀನು ಮಾತ್ರ ನನ್ನ ಕನಸಲ್ಲಿ

ಪ್ರತಿ ದಿನವೂ ತಪ್ಪದೆ ಬಂದೆ

ರಾಣಿ ತರಹ ನೀನು ಕಾಣ್ತಿದ್ದೆ

ಅದಕ್ಕೆ ನಿನ್ನ ಡ್ರೀಮ್ ಗರ್ಲ್

ನನ್ನ ಕನಸ ರಾಣಿ ಎಂದೆಲ್ಲಾ

ನೂರಾರು ಕವನ ನಾ ಬರೆದೆ

ಪ್ರತಿ ಕವನಕ್ಕೂ ಉತ್ತರ ಬರ್ತಿತ್ತು

ನನ್ನ ಕನಸಲ್ಲಿ ಹೇಗೋ ಗೊತ್ತಿಲ್ಲ

ನೀನು ಮಾತ್ರ ನನ್ನ ಕವನಗಳ

ನೋಡದಂತೆ ನಾನು ಬಚ್ಚಿಟ್ಟಿದ್ದೆ

ಪ್ರೀತಿ ಅಂದರೆ ಇದೇನಾ

ಪ್ರತಿ ದಿನ ನೀನು ನನ್ನ

ಕನಸಲ್ಲಿ ಬರೋದು ನಿಜವೇನಾ

ಹಿಂಗ್ಯಾಕೆ ಕಾಡ್ತೀಯಾ ನನ್ನ

ಜಸ್ಟ್ ಫಾರ್ ಎ ಚೇಂಜ್ ...

ಐ ಲವ್ ಯು

ಆದರೆ ನೀನು ಯಾರು 

ಎಲ್ಲಿದ್ದೀಯಾ ಏನು ಗೊತ್ತಿಲ್ಲ

ಆಮೇಲೆ ಏನಾಯಿತೋ

ಒಂದು ಗೊತ್ತಾಗಲಿಲ್ಲ

ನೀನು ನನ್ನ ಕನಸಲ್ಲಿ

ಒಂದು ದಿನವು ಬರಲೇ ಇಲ್ಲ

ಪ್ರೀತಿ ಅಂದರೆ ಹೀಗೆನಾ

ಅದು ಗೊತ್ತಾದ ಮೇಲೆ

ನೀನು ನನ್ನಿಂದ ದೂರವೇನಾ

ಏನಿದು ಏಕಿದು ಏನೂ ಗೊತ್ತಿಲ್ಲ

|| ಪ್ರಶಾಂತ್ ಖಟಾವಕರ್ ||

ಮೂರು ಕವಿಗಳು

ಮೂರು ಕವಿಗಳು

===========

ಸಂಜೆಯ ಹೊತ್ತಲ್ಲಿ

ಬಿಸಿ ಬಿಸಿ ಚಹಾ..

ಮಂಡಕ್ಕಿ ಮಸಾಲ

ಜೊತೆ ಜೊತೆಯಲ್ಲಿ

ನಾಲ್ಕಾರು ಮಾತು

ಒಂದು ಕವಿಯು ಹೇಳಿದ

ಕವಿತೆಯಲ್ಲಿ ಬೇಕು

ಸರಿಯಾದ ವಿಚಾರ

ಸುಮ್ಮನೆ ಬರೆಯೋದು ಬೇಡ

ಕಾಲ್ಪನಿಕ ಕವಿತೆ

ಇನ್ನೊದು ಕವಿಯು ಹೇಳಿದ

ಕವಿತೆಯಲ್ಲಿ ಬೇಕು

ಮನಸೆಳೆಯುವ ಮಾಯೆ

ಸುಮ್ಮನೆ ಬರೆಯೋದು ಬೇಡ

ಸತ್ಯ ಸಂಗತಿಗಳ ಸರಮಾಲೆ

ಮತ್ತೊಂದು ಕವಿಯು ಹೇಳಿದ

ಕವಿತೆಯಲ್ಲಿ ಬೇಕು

ಹೊಸತನದ ವಿಶೇಷ ವಿಷಯ

ಸುಮ್ಮನೆ ಬರೆಯೋಣ ಈಗ..

ನಮ್ಮ ಈ ಮಾತುಗಳ ಕವಿತೆಯ..

ಸಂಜೆಯ ಹೊತ್ತಲ್ಲಿ

ಬಿಸಿ ಬಿಸಿ ಚಹಾ..

ಮಂಡಕ್ಕಿ ಮಸಾಲ

ಜೊತೆ ಜೊತೆಯಲ್ಲಿ

      ನಾಲ್ಕಾರು ಮಾತು .. :)

|| ಪ್ರಶಾಂತ್ ಖಟಾವಕರ್ ||

ಹರೆಯದ ವಯಸ್ಸು

ಹರೆಯದ ವಯಸ್ಸು

++++++++++++

ಬಣ್ಣ ಬಣ್ಣಗಳ ಆಸೆಗಳ ಬದುಕು

ಚೆಂದ ಚೆಂದದ ಕನಸುಗಳ ಕಾಲ

ನೂರು ನೂರು ನೆನಪುಗಳ ಪುಸ್ತಕ

ಓದಿ ಬರೆದು ಕಲಿಯುವ ವಿದ್ಯಾಲಯ

ಸರಸ್ವತಿ ಮಾತೆಯ ಭವ್ಯ ದೇವಾಲಯ..

ಇಲ್ಲಿ ಕಲಿಯುವ , ತಿಳಿಯುವ ಜ್ಞಾನವು

ಗರಿಕೆ ಹುಲ್ಲಿನ ಗಾತ್ರಕ್ಕೂ ಸಹ ಸಮವಲ್ಲ

ಬದುಕಿನೊಳು ಕಲಿಯುವುದು ಇನ್ನೂ ಇದೆ

ಒಂದೊಂದೇ ಅಕ್ಷರದ ಶಕ್ತಿಯ ತಿಳಿಯಬೇಕಿದೆ

ಬರೆದು ನೋಡು ನಿನ್ನ ಹೆಸರನೇ ಮೊದಲು..!!

ಕ್ಷಣ ಕ್ಷಣವೂ ಬದಲಾಗುವ ಭಾವನೆಗಳು

ದಿನ ದಿನವೂ ಹತ್ತಾರು ಪ್ರಶ್ನೋತ್ತರಗಳು

ಪ್ರೀತಿ ಸ್ನೇಹಗಳ ಒಂದು ಸುಂದರ ಲೋಕ

ಆಕರ್ಷಣೆಯ ಅಡಿಯಲ್ಲಿ ಮನಸ್ಸಿನ ಕಲ್ಪನೆ

ಅದಕ್ಕಿಲ್ಲಿ ಬಣ್ಣಗಳ ತುಂಬಿದ ಪ್ರೇಮ ಪತ್ರಗಳು..

ನಾನು ಹೆಚ್ಚು , ನೀನು ಹೆಚ್ಚು , ಪರೀಕ್ಷೆಯ ಸಮಯ

ನಾನು ನಾನೇ ಎನ್ನುವ ಪ್ರತಿಷ್ಟೆಗೋ , ಪ್ರಶಂಸೆಗೋ..!!

ಗೆಳಯ ಗೆಳತಿಯರ ಜೊತೆಯಲ್ಲಿಯೇ ಕಿತ್ತಾಟ ಆಡುತ

ನಾನೇನೆಂದು ಅರಿಯುವ ಮೊದಲೇ ವಿಧಿಯ ಸೆಳೆತ

ಏನನ್ನು ಮಾಡದೆ ಹೋಗುವ ಬದುಕಿನ ಅರ್ಥ ಸರಿಯೇ.. ?

ಜ್ಞಾನ ಭಂಡಾರದ ಮೂಟೆ ಹೊತ್ತು

ಮಾಡುವ ದಿನ ನಿತ್ಯದ ಕೂಲಿ ಕೆಲಸ

ಭವಿಷ್ಯದ ಸ್ವರ್ಗ ಸುಖದ ಕನಸಿಗಾಗಿ

ಹೊತ್ತಿರುವ ಭಾರವನ್ನು ತಿಳಿಯದೆಯೇ

ವರುಷ ಪೂರ್ತಿ ಬಯಕೆಗಳ ನೋಟವು

ಬಣ್ಣದ ಚಿಟ್ಟೆಯ ಹಿಡಿಯಲು ನಿಲ್ಲದ ಓಟವು

ಭೇದಭಾವಗಳ ಲೆಕ್ಕಿಸದ ಪ್ರೇಮಿಗಳ ಮನವು

ಮುಗ್ದತೆ ತುಂಬಿದ ಹರೆಯದ ವಯಸ್ಸಿನ ಆಟವು

ಸಾಧನೆಯ ಹಾದಿ ಹುಡುಕ ಹೊರಟರೆ ಈ ಜಗವು

ಹೇಳುವುದು ಮಾಡು ನೀ ನಿನ್ನ ಬದುಕಿಗಾಗಿ ಕೆಲಸವು

ಇಲ್ಲಿ ಪ್ರೀತಿ ಪ್ರೇಮಗಳ ಗೆಲ್ಲುವ ಮೊದಲು

ಗೆಲ್ಲಬೇಕು ನಾಲ್ಕು ಜನಗಳ ಸ್ನೇಹ ಸಂಘವ

ಸುತ್ತ ಮುತ್ತಲ ಪ್ರಕೃತಿ ಸೌಂದರ್ಯವ ಪ್ರೀತಿಸು

ಪ್ರೀತಿ ವ್ಯಾಮೋಹದ ಬಲೆಗೆ ಬೀಳುವ ಮೊದಲೇ

ಓದು ನೀ ಮನಸ್ಸುಗಳ , ಬೇಕು ಬೇಡಗಳ ಚಿಂತೆಗಾಗಿ

ಅಕ್ಷರಸ್ಥ ಆಗಬೇಕು ಓ ಮಾನವ.. ಬದುಕು ಕಲಿಯಲು..!!

ಪ್ರೀತಿ ಪ್ರೇಮಗಳ ನಿಜವಾದ ಅರ್ಥವ ನೀ ತಿಳಿಯಲು.. :)

|| ಪ್ರಶಾಂತ್ ಖಟಾವಕರ್ ||

ಗೆಳತಿಯರಿಗೊಂದು ಸ್ನೇಹ ಪ್ರೀತಿಗಳ ಕವನ

ಗೆಳತಿಯರಿಗೊಂದು ಸ್ನೇಹ ಪ್ರೀತಿಗಳ ಕವನ

***************************************

ನಮ್ಮ ಈ ಸ್ನೇಹ ಸಂಭಂದಗಳು

ಎಂದೂ ನಿಲ್ಲದ ಪ್ರಯಾಣವಾಗಲಿ

ಸುಂದರ ಸುಖ ಶಾಂತಿ ನೆಮ್ಮದಿಯ

ನಿಲ್ದಾಣಗಳಲ್ಲಿ ನಿಂತರೂ ಸಹ

ಮತ್ತೆ ಮತ್ತೆ ಜೊತೆ ಜೊತೆಯಲ್ಲಿಯೇ

ನಮ್ಮ ಸಂಚಾರವು ಸಾಗಲಿ..

ಇಲ್ಲಿ ಸವಿ ಸವಿ ನೆನಪುಗಳೇ ಟಿಕೇಟ್`ಗಳು

ನಮಗೆ ನಾವೇ ಕಂಡಕ್ಟರ್ರು ಡ್ರೈವರ್ರುಗಳು 

ನಮ್ಮ ಸುಂದರ ಸ್ನೇಹದ ವಾಹನದಲ್ಲಿ

ಜೋತೆಗಿಲ್ಲಿ ನಾವೇ ಸಹ ಪ್ರಯಾಣಿಕರು..

ಏಕ ಪಾತ್ರ , ದ್ವಿಪಾತ್ರ , ತ್ರೀಪಾತ್ರ ..

ನಾವು ನೀವು ಇಲ್ಲಿ ನಾಯಕ ನಾಯಕಿಯರು

ಸ್ನೇಹ ಪ್ರೀತಿಗಳ ಈ ಬಾಳಿನ ನಾಟಕ ರಂಗದಲ್ಲಿ

ಬಾಳೋದು ಚದುರಂಗದಾಟ..

ಅದರಲ್ಲಿ ಬಹು ಮುಖ್ಯ ಪಾತ್ರ 

.. ರಾಜ ರಾಣಿ .. 

ರಾಣಿಯೇ ಅಲ್ಲಿ ರಾಜನಿಗೆ ಕಾವಲು

ನೀವೇ ಈಗ ಇಲ್ಲಿ ನಮ್ಮ ಈ ಸುಂದರ..

ಸವಿ ನೆನಪುಗಳ ಸ್ನೇಹಕ್ಕೆ ಕಾವಲು.. :)

ಹೊಸ ವರ್ಷದ ನೆನಪಿನ ಉಡುಗೊರೆಯು..

ಕಲ್ಪನೆಯ ಕವನದ ಸಿಹಿಯಾದ ಸಾಲುಗಳು 

ಈ ಪ್ರಶಾಂತ ಮನಸ್ಸಿನ ಭಾವನೆಗಳ

    ಸ್ನೇಹವನ್ನು ಎಂದೆಂದಿಗೂ ಮರೆಯದಿರಲು.. :)

|| ಪ್ರಶಾಂತ್ ಖಟಾವಕರ್ ||