ಪ್ರೀತಿಯು ವಿಸ್ಮಯ..

ಕವನಗಳ ರಚಿಸುವ ಆಸಕ್ತಿ ಹೊಂದಿದ ಗೆಳಯ / ಗೆಳತಿಯರಿಗೆ .. ಕವಿತೆಗಳ ಒಲವು ಮತ್ತಷ್ಟು ಮೂಡಲೆಂದು .. ಸುಮಾರು ದಿನಗಳ ಹಿಂದೆ .. ನಮ್ಮ ಕವನಗಳ ರಚನೆಯ ಶೈಲಿಯಲ್ಲಿ ಸರಳ ಪದಗಳ ಬಳಕೆ ಮಾಡಿ .. ಸಂಪೂರ್ಣ ವಿಷಯವು ಅದರಲ್ಲಿ ಸಿಗುವಂತೆ .. ಅತೀ ಉದ್ದವಾಗಿ ಕವನ ಬರೆಯುತ್ತಿದ್ದೆವು.. ಆದರೆ ಈಗ ಮತ್ತೆ ಅನೇಕ ಸ್ನೇಹಿತರ ಸಲಹೆಗಳ ಮಾತುಗಳ ಮೇರೆಗೆ .. ಈಗಾಗಲೇ ಬರೆದಿರುವ ಒಂದು ಉದ್ದವಾದ ಕವಿತೆಯನ್ನು ಚಿಕ್ಕದಾಗಿ ಮಾಡಿದ್ದೇವೆ.. ಹಳೆಯ ಕವನದ ಸಂಪೂರ್ಣ ವಿಷಯವನ್ನು ಇದರಲ್ಲಿ ಗೋಚರಿಸುವಂತೆ ಮಾಡಿದ್ದೇವೆ.. ಒಮ್ಮೆ ಓದಿ ನಿಮ್ಮ ಪ್ರತಿಕ್ರಿಯೆಗಳ ಬರೆದು ಬಿಡಿ... (ಲೈಕ್ ಒತ್ತುವವರಿಗೆ ಈ ಮೊದಲೇ ಧನ್ಯವಾದಗಳು).... :)

*******************************************************************************************

ಪ್ರೀತಿಯು ವಿಸ್ಮಯ..

***********************

ಕಾಲಚಕ್ರ ಜಟಕಾಬಂಡಿ

ಸವಿನೆನಪು ಸುಳಿದಾಡಿ..

ನಯನಗಳು ಜೊತೆಗೂಡಿ

ಮೊದಲ ನೋಟದ ಮೋಡಿ.. 

ಸಖಿಯರ ಸಂಗಡ ನೀನಾದೆ ಅಯಸ್ಕಾಂತ

ಸಿಹಿಜೇನ ಸವಿ, ನೀ ಬರಲು ನಗುನಗುತ

ನಾನಾದೆ ಅಲ್ಲಿ ದಿಗ್ಭ್ರಾಂತ, ಚಿಂತಿಸುತ

ಹೃದಯದ ಸದ್ದು ಅಪರಿಮಿತ  ಅನಿಶ್ಚಿತ

ಓ ಚೆಲುವೆಯೇ ನಾ ಕೂಗಲಿಲ್ಲ
ಸದ್ದಿಲ್ಲದ ನನ್ನ ದನಿಯ ಕೇಳಿ
ನೀ ಬಂದೆ ಪ್ರೀತಿಯ ಕಾರಣ ಹೇಳಿ
     ನನಗದುವೇ ಹೊಸ ದೀಪಾವಳಿ.. :)

|| ಪ್ರಶಾಂತ್ ಖಟಾವಕರ್ ||

ಈ ಪ್ರೀತಿಯೇ ವಿಸ್ಮಯ, ಬಲು ಆಶ್ಚರ್ಯ..!!!!

ನಾ ಕೈಬೀಸಿ ನಿನ್ನ ಕರೆಯಲಿಲ್ಲ....

ನೀ ಓಡೋಡಿ ಬಂದೆ ಪ್ರೀತಿಯಿಂದ.. !!

ಮೂರು ವರ್ಷಗಳಿಂದ

ಮನದಲ್ಲೇ ಬಚ್ಚಿಟ್ಟ ಮಾತು

ನಿನ್ನನ್ನು ಹೇಗೆ ತಲುಪಿತು ??

ಪ್ರೀತಿಯೇ ಒಂದು ವಿಸ್ಮಯ..!

ಕಾಲೇಜು ಮುಗಿದು

ಟೀನೇಜು ಜಿಗಿದು

ಕೆಲಸಕ್ಕೆ ಅಲೆದಲೆದು

ಚಿಂತೆಯಲ್ಲಿ ನಾನಿಂದು....

ನೆನಪಿನ ಪುಟಗಳ

ತಿರುವಿ ಹಾಕಿದೆ

ಪ್ರತೀ ಹಾಳೆಯಲ್ಲೂ

ನಿನ್ನ ಚಿತ್ರ ವಿಚಿತ್ರ

ಅಪರೂಪದ ಆ ದಿನಗಳು

ಆಹಾ ಅದೆಷ್ಟು ಚೆಂದವೋ

ನಿನ್ನ ಅಕ್ಕಪಕ್ಕದಲ್ಲಿ ನಿಂತ

ಕಿರುನಗೆಯ ಮಿಂಚುಗಳು

ಮನಸೆಳೆಯುವ ಆಕರ್ಷಣೆ

ಮೊದಲ ನೋಟದ ಪ್ರೇಮಕಥೆ

ನಿನ್ನ ಮನಸ್ಸಿಗದು ಪ್ರೇಮ ಬಾಣ

ಗೊಂದಲದಲ್ಲಿ ನಾನೀಗ ಕ್ಷಣ ಕ್ಷಣ..

ಕಾರಣ ಅದೇ ಒಂದು ಮಾತು..!

ನಾ ಬಚ್ಚಿಟ್ಟ ಪ್ರೀತಿ, ಹೇಗೆ ನಿನ್ನ ಸೇರಿತು ??

ನಾ ಕೈಬೀಸಿ ನಿನ್ನ ಕರೆಯಲಿಲ್ಲ....

ನೀ ಓಡೋಡಿ ಬಂದೆ ಪ್ರೀತಿಯಿಂದ.. !!

ಈ ಪ್ರೀತಿಯೇ ವಿಸ್ಮಯ, ಬಲು ಆಶ್ಚರ್ಯ..!!!!

|| ಪ್ರಶಾಂತ್ ಖಟಾವಕರ್ ||

ನಗೆಹನಿ [2] ಇದು ಸರಿನಾ .. ??

ನಗೆಹನಿ [2]

ಇದು ಸರಿನಾ .. ??

++++++++++++++++++++

ಹದಿನೆಂಟು ತುಂಬಿದ ಕಾಲೇಜು ಕನ್ಯೆ

ಕೆಲಸವಿಲ್ಲದ ಹುಡುಗನ ಆದಾಯ ಸೊನ್ನೆ

ಇಬ್ಬರು ಪ್ರೀತಿಯಲ್ಲಿ ಮರೆತರು ಜಗವನ್ನೇ.....

ಪ್ರೀತಿಗೆ ಕಾವಲುಗಾರನಾಗಿಸಿ ನನ್ನನ್ನೇ

ನನ್ನ ಕರೆಯದೆ, ಮಾಡಿಕೊಂಡರು ಮದುವೆಯನ್ನೇ

ಓ ನನ್ನ ಸ್ನೇಹಿತರೇ, ನೀವೇ ಹೇಳಿ ಇದು ಸರಿನಾ..!!

|| ಪ್ರಶಾಂತ್ ಖಟಾವಕರ್ ||

ಬಣ್ಣದ ಲೋಕ .. :)

ಬಣ್ಣದ ಲೋಕ .. :)

**************

ಧರೆಯೊಳು ಮಾನವನ

ಮೊದಲ ಹೆಜ್ಜೆ ಮಗುವಾಗಿ

ಹಾಲಿನಂತಹಾ ಮನಸ್ಸು 

ಶ್ವೇತ ವರ್ಣ, ಮುದ್ದು ಮುದ್ದಾಗಿ

ಕಾಣುವನು ನಂತರ

ಪರಿಪರಿಯ ಜೀವನ

ಪ್ರೀತಿಯ ಬಯಸುತ

ಗುಲಾಬಿಯ ಕನಸುಗಳು

ಅಗಸದಷ್ಟು ಆಸೆಗಳು

ಅಪಾರವಾದ ಬಯಕೆಗಳು

ಎಲ್ಲವೂ ಇಲ್ಲಿ ಕೈಗೆಟುಕದ

ಆ ತಿಳಿ ನೀಲಿ ಬಾನಿನಂತೆ

ಸ್ನೇಹ ನಂಬಿಕೆ ವಿಶ್ವಾಸ

ಸಿಹಿಯಾದ ಸವಿ ಘಳಿಗೆಗಳು

ರುಚಿಕರ ತಿನಿಸುಗಳಂತೆ

ಹಚ್ಚ ಹಳದೀ ನೆನಪುಗಳು

ಪ್ರಕೃತಿಯ ಸೊಬಗ ಕಂಡು

ಉಲ್ಲಾಸದಿ ಮೌನ ಕುಣಿತ

ಜಗವೆಲ್ಲಾ ಹಸಿರ ಉಸಿರು

ಬೆವರ ಸುರಿಸಿ, ಶ್ರಮದ ಫಲ

ಮಾನವೀಯತೆ ಮರೆತ

ಜನರ ಜಾತ್ರೆಯೊಳು

ಹಬ್ಬದ ಅತೀ ಸಂಭ್ರಮ

ದೇಹವೆಲ್ಲಾ ನೀಲಿ , ವಿಷದಲ್ಲಿ 

ಕ್ರೂರ ಮೃಗಗಳ ಆರ್ಭಟ

ಊರೆಲ್ಲಾ ಹರಿದಾಡಿದ 

ಕೆಂಪು ರಕ್ತದೋಕುಳಿ

ಭಯಂಕರ ಘೋರ ವಿಸ್ಮಯ

ಏನೇ ಆದರೂ ಕೊನೆಗಿಲ್ಲಿ

ಜೀವದ ಪಯಣದ ಹಾದಿಯು

ಮಣ್ಣುಪಾಲು, ಆ ಬ್ರಹ್ಮ ಬರಹ

ಈ ಜೀವನವೇ ಬಣ್ಣದ ಲೋಕ

ಬಾಳಿನಲ್ಲಿ ಇನ್ನೂ ಉಂಟು

ಬಗೆಬಗೆಯ ಬಣ್ಣಗಳ ನಂಟು

ನೆನಪಿರಲಿ ಈ ಕಿವಿಮಾತು

ತಿಳಿಯಾದ ಬಣ್ಣಗಳ ಆರಿಸಿ

      ಸ್ನೇಹ ನಂಬಿಕೆ ವಿಶ್ವಾಸ ಉಳಿಸಿ .. :)

|| ಪ್ರಶಾಂತ್ ಖಟಾವಕರ್ ||

ಈ ಚಿತ್ರಕ್ಕೆ ಕವಿತೆ ಬರೆಯಿರಿ.. :)

ಈ ಚಿತ್ರಕ್ಕೆ ಕವಿತೆ ಬರೆಯಿರಿ.. :)

***********************************************

Ganesh Khare ‎

:(

ಪರದೇಶ ವ್ಯಾಮೋಹ ಕಣ ಕಣದಲ್ಲೂ ತುಂಬಿತ್ತು,

ಹೆತ್ತ ತಾಯಿಯ ನೆನಪು ಮರೆತು ಹೋಗಿತ್ತು.

ಆಂಗ್ಲ ಭಾಷೆಯ ಮಸಾಲ ನಾಲಿಗೆಗೆ ರುಚಿಸಿತ್ತು,

ಅ ಆ ಓದಿದ ಕನ್ನಡಿಗನಿಗೆ ರಕ್ತ ಕಣ್ಣಿರು ಬಂದಿತ್ತು.

:( :( :( 

***********************************************

Ganesh Khare

ಆಗ ನೀ ಪುಟ್ಟ ಹುಡುಗ

ಏನೂ ಅರಿಯ ಮುಗ್ಧ ಬಾಲಕ

ಓದುವ ಬದಲು ನೀ ಮಾಡಿದೆ ಮನೆ ಕೆಲಸ

ಪುಸ್ತಕದ ಬದಲಿಗಿತ್ತು ನೂರೊಂದು ಕಾಯಕ

ಹೆಗಲ ಮೇಲಿತ್ತು ಮಣ್ಣು ತುಂಬಿದ ಬುಟ್ಟಿ

ಕೈಯ್ಯಲಿ ಹಾರೆ ಗುರಾಣಿ ಗುದ್ದಲಿಗಳು.

ಗದ್ದೆಗೆ ನೀರ ಬಿಟ್ಟು, ಸಸಿಯ ನೆಟ್ಟು

ನೂರಾರು ಜನರ ಹೊಟ್ಟೆ ತುಂಬಿಸಿದೆ ನೀ

ಓದುವುದ ಅರಿಯೆ ನೀ

ಬರೆಯುವುದ ತಿಳಿಯೆ ನೀ

ಆದರೂ..

ಇಂದು ನೀನಾಗಿರುವೆ ನಿಮ್ಮನೆಗೆ ಯಜಮಾನ

ಇರುವದು ಮನೆ ಸಮಾಜದಲಿ ಒಳ್ಳೆ ಮಾನ

ಓದುವುದ ಬಿಟ್ಟು ಅಂದು ಮಾಡಿದ ಕೆಲಸಕೆ

ಇಂದು ನಿನಗೆ ಬರುವುದಿಲ್ಲವೇ ರಕ್ತ ಕಣ್ಣೀರು. 

***********************************************

Bhat Vandana

ಸುಕ್ಕು ಗಟ್ಟಿ ನೆತ್ತರೆಲ್ಲ ತಣ್ಣಗಾಗಿ ... ನನ್ನ ಇತಿಹಾಸ 

ನೋಡಿದರೆ ... ಎಲ್ಲ ಖಾಲಿ ... 

ಬದುಕ ಹಾಳೆಯಲಿ.. ಏನೆಲ್ಲಾ ತುಂಬಬೇಕಿದೆ ..

ಕಳೆದು ಹೋದ ದಿನಗಳ ನೆನಪಿಸಿ ..

ಹಾಳೆ ತುಂಬ ಹೊರಟರೆ ...

ನನ್ನ ಭೂತ, ವರ್ಥಮಾನ ತಾಳೆಯಾಗದೆ...

ನನ್ನನ್ನೇ ಹಿಯಾಳಿಸಿ ದಕ್ಕೆ ..

ಕಣ್ಣಿಂದ ನೆತ್ತರಿಳಿಯಿತು...

ನೀರೆಲ್ಲ ಖಾಲಿಯಾಗಿ ...

***********************************************

Shirva Harish Shetty

ಬರೆದ ಕಥೆಗಳೆಲ್ಲ 

ಇಂದು ಈ ಪುಸ್ತಕದ ವಶವಾಗಿದೆ 

ಜೀವನ ನನ್ನ 

ಸಾಹಿತ್ಯಕ್ಕೆ ಶರಣಾಗಿದೆ 

ಕಾಗದಕ್ಕೆ ಕೊರತೆ ಇಲ್ಲ 

ಪೆನ್ನಿನ ಶಾಯಿ ಮುಗಿಯುದಿಲ್ಲ

ಬರೆಯದೆ ದಾರಿ ಇಲ್ಲ 

ಆದರೆ ಓದುವವರು ಯಾರಿಲ್ಲ

ಎಷ್ಟೋ ಬರೆದ ಸಾಹಿತ್ಯ 

ಇಂದು ಮಣ್ಣ ಪಾಲಾಗಿದೆ 

ನನ್ನದೇನು ಅಂತಸ್ತು 

ಜೀವನ ಕಣ್ಣೀರಾಗಿದೆ

by ಹರೀಶ್ ಶೆಟ್ಟಿ, ಶಿರ್ವ

***********************************************

ಸೌ ಮ್ಯ

ಕನ್ನಡ ನುಡಿಯಲು ಯಾಕೀ ಅಂಜಿಕೆ ??

ಕನ್ನಡ ಕಲಿಯಲು ಯಾಕೀ ತಾತ್ಸಾರ ??

ಆಂಗ್ಲದ ವ್ಯಾಮೋಹ ಮನಸನು ಇಡಿದು ??

ಕನ್ನಡವ ಬಿಟ್ಟು ಓದಲು ಮರೆತು

ಓದಲು ಕೊಟ್ಟರೆ ಅಳುವುದೂ ಏಕೆ ??

ಬಿಡದಿರು ಬಿಡದಿರು ನಿನ್ನ ಕನ್ನಡವ

ಇಂಗ್ಲಿಷ್ ಮರೆತರು ಕನ್ನಡವ ಮೇಲೇರು

ತಾಯಿಯಾ ಬಿಟ್ಟ ಮಗನಾಗಬೇಡ

ತಾಯಿಗೆ ತಕ್ಕ ಮಗನೆನಿಸಿಕೋ

ಆ ತಾಯಿಯೇ ಕನ್ನಡ ನುಡಿಯಾಗಿರಲಿ .... 

***********************************************

Hipparagi Siddaram

ಗಡ್ಡಾ ಬಿಟ್ಟು ಗುಡ್ಡಾ ಸುತ್ತಿ 

ಅನುಭವಗಳ ಬರೆದು ಗುಡ್ಡೆ ಹಾಕುವಷ್ಟರಲ್ಲಿ

ಜಗತ್ತು ಮರೆತಿತ್ತು ನನ್ನ

ನಾನಾಗಿದ್ದೆ ಅನಾಮಿಕ

ಅಕ್ಷರಗಳು ಗಹಗಹಿಸಿ ಸಂಭ್ರಮಿಸುತ್ತಿದ್ದವು

ಪುಸ್ತಕಗಳು ನನಗೆ ಬಹಿಷ್ಕರಿಸಿದವು

ಓದುಗಪ್ರಭು ಕರುಣಿಸಲಿಲ್ಲ ಕನಿಷ್ಟತನವನ್ನು.... 

***********************************************

ಶ್ರೀ ಹರಿ

ವಿಧ್ಯೆ ಕಲಿಯದೇ ಹೋದೆ ಬಾಲ್ಯದಲಿ

ಬೇಕೆನಿಸಲಿಲ್ಲ ಅದು ಯೌವನದಲಿ

ಇಂದು ಬೇಯುತಿದೆ ಮನ ಪಶ್ಚಾತ್ತಾಪದಲಿ 

ಹರಿಯುತಿದೆ ಕಣ್ಣೀರಿನ ರೂಪದಲಿ 

***********************************************

Sanjeev Kumar

ನನ್ನ ಒಳಗೆ ನೂರಾರು 

ದ್ವಂದ್ವ ಯುದ್ದ ನಡೆದಿರಲು

ಪದಗಳಿಗೆ ಪದ ಹುಡುಕುತ್ತ 

ತಪ್ಪುಗಳಿಗೆ ಸರಿ ಹುಡುಕುತ್ತ..

ಗಣಿತಕ್ಕೆ ಮಿತಿ ಇಲ್ಲ 

ಶುನ್ಯಕ್ಕೆ ಬೆಲೆ ಇಲ್ಲ..

ಕೂಡಿ ಕಳೆಯುವುದಕ್ಕೂ 

ಮನದಲ್ಲಿ ಅಂಕಿಗಳಿಲ್ಲ 

ಸಿರಿವಂತ ಭಾಷೆ ಇದು 

ನನ್ನೊಳಗೂ ಅಣಕಿಸುವುದು 

ಕಡೆದು ಒಡೆದು ನಿಂತಿಹುದು.

ಬುದ್ದಿ ಹೀನ ನಾನು ಪಂಡಿತನ ಪರಿ ನನಗೆ ಸಲ್ಲದು..

ಮಣ್ಣ ಹೊತ್ತು ಹಾಕಲಿಲ್ಲ 

ಸಗಣಿ ಬೆರಣಿ ಆಗಲಿಲ್ಲ 

ಕೊಡಲಿಗೆ ಸೀಳು ಕಾಣಲಿಲ್ಲ 

ಸುತ್ತಿಗೆಯ ಹೊಡೆತಕ್ಕೆ 

ಬಿರುಕು ಬಿಟ್ಟ ಮನ ಶಿಲೆ ಆಗಲಿಲ್ಲ 

ಗುರು ಬೇಕು ಶಿಷ್ಯನಿಗೆ 

ಪೆಟ್ಟು ಬೇಕು ಕೈ ಗಿಣ್ಣಿಗೆ 

ಬುದ್ದಿ ಬೇಕು ದೀನನಿಗೆ 

ಒಲಿವಳು ಆ ಕನ್ನಡಾಂಬೆ 

ಶ್ರದ್ದೆ ಇಟ್ಟ ಬುದ್ದಿವಂತನಿಗೆ

***********************************************

ವಸಂತ್ ಆರ್

ಏನಾ ಹೇಳಲೀ ನಾ ? 

ಓದುವಂತಾ ವಯಸ್ಸಿನಲ್ಲಿ ಓದದೇ ಸುಮ್ಮನಾದೆ

ಈಗ ಇಂಗ್ಲೀಷ್ ಓದೆಂದಲ್ಲಿ ಏನುಮಾಡಲಿ

ಕನ್ನಡವ ಬಿಟ್ಟು ಏನನ್ನೂ ಓದಲಾರೆ

ಅನ್ಯ ಬಾಷೆಗಳಿಗೆ ನಾ ಮಣೆಯಾಗಲಾರೆ

ಇದ್ದರೂ ಕನ್ನಡಿಗ ಹೋದರೂ ಕನ್ನಡಿಗ

ಕನ್ನಡಾಂಬೆಗೆ ನನ್ನ ಮೇಲೆ ಕರುಣೆ ಬರಲಿ 

***********************************************

Gunapala Hanchinal

ಏನೆಂದು ಬರೆಯಲಿ ಹೇಳು ಗೆಳೆಯ 

ನಿನ್ನ ಚಿತ್ರದ ಕರುಣಾಜನಕ ಕಥೆಯ

ನಮ್ಮ ಮನೆಯ ಪುಟ್ಟ ಮಗು ಕೂಡ

ಕಣ್ಣೇರ ಸುರಿಸುತಿತ್ತು ನಿನ್ನ ಚಿತ್ರಕೆ!

***********************************************

Anil Devanga G

ಅ ಆ ಕಲಿಯಬೇಕು ಎಂಬ ಕನಸು ಅವನದು 

ನಾಳೆಯ ಹೊಟ್ಟೆಪಾಡಿನ ಚಿಂತೆ ಅವನ ಮನೆಯವರದು 

ಹಠ ಬಿಡದೆ ಕಲಿತರು ಅಕ್ಷರ .....ಹಸಿವಿನ ಪ್ರಭಾವದ ಮುಂಧೆ 

ಎಲ್ಲ ಶೂನ್ಯ 

***********************************************

Radha Kanth

ನೆನಪಾದೆ ಇಂದು ನೀನು ... ಹಾಗೆ ಸುಮ್ಮನೆ...

ಹೇ ಗೆಳತಿ

ಅಂದು ನೀ ಕೊಟ್ಟ

ಪ್ರೀತಿಯ ಸಿಹಿ ಮುತ್ತುಗಳನ್ನ

ಮರಯಲಾದೀತೆ ಇಂದು..?

ಹೇ ಗೆಳತಿ

ಅಂದು ನೀನಾಡಿದ

ಪಿಸುಮಾತಿನ 

ಕಲರವವನ್ನ

ಮರಯಲಾದೀತೆ ಇಂದು..?..... 

++++++++++++++++++++++++++++++++++++++++++++++++

Vinutha Gowdas

shivappa kayo thande

mooru loka swamy deva 

kannada bittu 

angla mathadi vade tindeno,,,,,,,,,

shivane kapadeya........... 

***********************************************

Spandana Gowda

nirakshara nagi.. de nau.. 

badathanadalli bende nanu...... 

badavanagiye hodeno.. shivane...... 

kalivenu.. mathe,,, barahavane 

***********************************************

Simha Chetu

haleyaa boxuu...

hosaaa poseuuu...

kanindaa vodooo haleegannadaa...! 

gadda bittaa...

voodiii kettaaa....

adru talee kedskobedaa 

edu nanna nudi kannada ! 

***********************************************

Malnad Huli

kanneer idu raktha kanneeer idu,,, 

para bhashe vyamohake sikka prathi yo idu,,, 

kannada idu,, nanna kannada idu,,, 

nanna saaki salahida kannada idu :P 

***********************************************

Vijaykumar Dollin

why dis kolveri!! 

nina munde booku, 

odaka ningenu trasu trasu!! 

odu andra yak kanniru!! 

boooku boooku kannada boooku 

nin odu dis booku!!! 

***********************************************

Anil Kumar

Nagisalu Neenu Naguvenu Naanu..

Nagisalu Neenu Naguvenu Naanu,

++++++++++++++++++++++++++++++++++++++++++++++++