ಪ್ರಾಣ ಸಂಕಟ

ಪ್ರಾಣ ಸಂಕಟ

**************

ಊರ ಹೊರಗೊಂದು

ದೊಡ್ಡ ಆಲದ ಮರ

ಊರ ಜನರು ಹೆದರುವರು

ಹೋಗಲು ಅದರ ಹತ್ತಿರ

ಅಲ್ಲಿರಬಹುದೇನೋ...!!

ದೆವ್ವದ ವಾಸ

ಪ್ರತೀ ದಿವಸ... ?

ಬಲ್ಲವರ ಮಾತಿನಲ್ಲಿ

ಜನರ ಕಲ್ಪನೆ ಸುಳ್ಳು

ಸಾಕ್ಷಿ ಬಯಸುವ ವಿಜ್ಞಾನ

ಭಯದ ಎಲ್ಲಾ ಭಾವನೆಗಳ

ದೂರ ಮಾಡಲು ಸಾಧ್ಯವೇ..!!

ಜನರು ಅಂಜದೇ

ಜೀವನ ಸಾಗುವುದೇ... ?

ಹೆಚ್ಚಾಗಿ ಭೂತಗಳ ವಾಸ

ಹಣ್ಣಿಲ್ಲದ ಮರಗಳೇ ಏಕೆ

ಇರಬವುದು ಹಣ್ಣಿನಲ್ಲೂ

ಅಪರೂಪಕ್ಕೆ ಒಮ್ಮೆ

ಹಾಗೆಂದರೆ...!!

ಹಣ್ಣಿನ ಅಂಗಡಿಗಳ ಗತಿಯೇನು

ತಿನ್ನುವ ಜನಗಳ ಕಥೆ ಏನು... ?

ದೆವ್ವಗಳು ಇರುವುದು 

ಆಲದ ಮರದಲ್ಲಿ ಅಲ್ಲ

ಚಿಂತಕರ ತಲೆಯಲ್ಲಿ

ಭಯದಲ್ಲಿ ಮನದಲ್ಲಿ

ಮಾನಸಿಕ ರೋಗವೇ...!!

ಅರಿಯಲಾಗದ ಪರಿಸ್ಥಿತಿಗೆ

ಪ್ರಕೃತಿಯಲ್ಲಿ ಉತ್ತರವಿದೆಯೇ.. ?

ಹುಡುಕಬೇಕಿಲ್ಲಿ ಹೊಸತನವನ್ನು..

ಭಯದೊಳು ಮರವನ್ನೇ 

ಕಡೆದು ಹಾಕುವುದು ಸರಿಯಲ್ಲ

ಬುಡಸಹಿತ ಕಿತ್ತೆಸೆದರೆ

ಬಿಟ್ಟು ಹೋಗುವವೇ..!!

ಆ ದೆವ್ವಗಳು ಅಲ್ಲಿಂದ

ಎಂಬ ಯೋಚನೆ ಸರಿಯೇ... ?

ಒಂದು ಪ್ರಶ್ನೆ ಮನದಲ್ಲಿ ಹುಟ್ಟಿದೆ

ಈ ಭೂತಗಳು ಬ್ರಹ್ಮ ಸೃಷ್ಟಿಯೋ

ಅಥವಾ ಮಾನವ ನಿರ್ಮಿತ ಜೀವಿಯೋ

ಹೆಚ್ಚು ಹೆಚ್ಚು ಇಲ್ಲಿದೆ ಗೊಂದಲ

ಮತ್ತೊಂದು ಪ್ರಶ್ನೆ ಆಶ್ಚರ್ಯ..!!

ಮಾನವ ಸತ್ತ ಮೇಲೆ ದೆವ್ವ

ಹುಟ್ಟುವುದಿಲ್ಲ ಏಕೆ ಮನುಷ್ಯ ಜನ್ಮವಿಲ್ಲದೆ... ?

ಕುತೂಹಲ ಇಲ್ಲಿ ನಮ್ಮಲ್ಲಿ

ಜನರು ಕಾಣುವ ಭೂತಗಳು

ಕೇವಲ ಹೆಣ್ಣು ಗಂಡು ಆತ್ಮಗಳು

ಕಾಣುವುದಿಲ್ಲ ಬೇರೆ ಪ್ರಾಣಿಗಳು

ಈ ವಿಚಾರ ಹೌದಲ್ಲವೇ... !!

ಜನಗಳ ಕಥೆಯಲ್ಲಿ ಮರಗಳ

ಗಿಡಗಳ ಆತ್ಮ ಕಾಣುವುದಿಲ್ಲವೇಕೆ.... ?

ಜೀವವು ಇದೆ ಮರ ಗಿಡಗಳಿಗೆ

ಅವುಗಳ ಹುಟ್ಟು ಸಾವು ಇದ್ದರೂ

ಆಗುವುದಿಲ್ಲ ದೆವ್ವ ಭೂತಗಳು

ಬರುವುದಿಲ್ಲ ಅವುಗಳ ನೆನಪುಗಳು

ಎಲ್ಲರೂ ಚಿಂತಿಸಿ..!!

ದೆವ್ವವಿದೆ ಎಂದು ಮರಗಳ ಕಡಿದರೆ

ದೆವ್ವಕ್ಕೆ ಸಾವು ಬರುವುದೇ.... ?

|| ಪ್ರಶಾಂತ್ ಖಟಾವಕರ್ ||