ಹಾಡಲು ಬಾರದೆ.. ನಾ ಹಾಡಿದೆ.. :)
++++++++++++++++++++++++++++++
ಹಾಡಲು ಬಾರದೆ
ನಾ ಹಾಡಿದೆ
ಹಾಡಲು ಬಾರದೆ
ನಾ ಹಾಡಿದೆ
ನಿನ್ನ ನಗುವ ನೋಡಲೆಂದು
ತುಟಿಯಂಚುಗಳು ಮಿಂಚಲೆಂದು
ಕುಣಿಯಲು ಬಾದರೆ
ನಾ ಕುಣಿದಾಡಿದೆ
ನಿನಗಾಗಿ
ನಾ ಕುಣಿದಾಡಿದೆ
ಮೆಲ್ಲಮೆಲ್ಲನೇ ನೀ ನಗಲು
ಹೊಳೆಯುವುದು ಆ ಮುಗಿಲು
ಚಿಲಿಪಿಲಿ ಸದ್ದಿನ ಹಕ್ಕಿಗಳ ಸಾಲು
ಅದುವೇ ಸಂಗೀತ ನಾ ಹಾಡಲು
ತಂಪು ತಂಪು ತಂಗಾಳಿ ಮೈ ಸೋಕಲು
ನಡುಗಿ ನಡುಗಿ ನಾಲಿಗೆಯು ನಲಿಯಲು
ನಾನಾಡುವ ನುಡಿಗಳಲಿ ಏರಿಳಿತವಿರಲು
ಅದುವೇ ಕಾರಣ ಮಾತೆಲ್ಲ ಹಾಡಾಗಲು
ಸಂಜೆ ಸೂರ್ಯ ಸುಮ್ಮನೆ ಸರಿಯಲು
ಪೂರ್ಣಚಂದ್ರ ಬಂದು ಬೆಳಕ ಚೆಲ್ಲಲು
ಚೆಲುವೆ ನಿನ್ನ ಬಿಂಬ ಹೃದಯದಿ ಮೂಡಲು
ಈ ಹೃದಯವು ಹಾಡುತಿದೆ ನೀ ನಗಲು
ಹಾಡಲು ಬಾರದೆ
ನಾ ಹಾಡಿದೆ
ಹಾಡಲು ಬಾರದೆ
ನಾ ಹಾಡಿದೆ
ನಿನ್ನ ನಗುವ ನೋಡಲೆಂದು
ತುಟಿಯಂಚುಗಳು ಮಿಂಚಲೆಂದು
ಕುಣಿಯಲು ಬಾದರೆ
ನಾ ಕುಣಿದಾಡಿದೆ
ನಿನಗಾಗಿ
ನಾ ಕುಣಿದಾಡಿದೆ
ಹಾಡಲು ಬಾರದೆ
ನಾ ಹಾಡಿದೆ
ಹಾಡಲು ಬಾರದೆ
ನಾ ಹಾಡಿದೆ ....... :)
|| ಪ್ರಶಾಂತ್ ಖಟಾವಕರ್ ||
No comments:
Post a Comment