ಬರೆದವರು ಯಾರು... ??

ಬರೆದವರು ಯಾರು... ?? 

*****************************

ಚಿತ್ರ ನೋಡಿ ನೋಡಿ ಕವಿತೆ

ಬರೆಯಲು ಮಾಡಿದರೆ ಚಿಂತೆ

ಪದೇ ಪದೇ ಅದೇ ನೆನಪಾಗುತ್ತೆ

ಹಳೆಯ ಕನ್ನಡ ಚಲನಚಿತ್ರಗಳ ಕಥೆ

ಅದೊಂದು ಚಿತ್ರ ವಿಚಿತ್ರ ಜಿಮ್ಮಿಗಲ್ಲು 

ಹಾಡಿದವರು ಡಾ.ವಿಷ್ಣುವರ್ಧನ್ ನೆನಪುಗಳು

ತುತ್ತು ಅನ್ನ ತಿನ್ನೋಕೆ ಬೊಗಸೇ ನೀರು ಕುಡಿಯೋಕೆ

ಚಿತ್ರಗೀತೆಯ ನೆನಪಿನ ಚಿತ್ರಣ ಕಲ್ಪನೆಯ ಕವನ

ಅನ್ನವೆಂದೊಡನೆ ಅಮ್ಮನ ನೆನಪು ಸಹಜ

ಅದಕ್ಕಿಲ್ಲಿ ಹುಲಿಯ ನೆನಪಾಗುದು ಸಹ ನಿಜ

ಕಲಿಯುಗ ಭೀಮ ಚಿತ್ರದ ಟೈಗರ್ ಪ್ರಭಾಕರ್

ಚಿತ್ರದ ಹಾಡಿನ ನೆನಪು ಸಹ ಈ ಚಿತ್ರಕ್ಕೆ ಸೂಪರ್

ತುತ್ತು ಅನ್ನಕ್ಕಾಗಿ ಕಷ್ಟ ಪಟ್ಟ ಚಿನ್ನಾರಿ ಮುತ್ತ

ಪೇಟೆ ಸೇರಿ ಎಲ್ಲಾ ಮರೆತ ಮನದಲ್ಲಿ ಚಿಂತಿಸುತ

ಎಷ್ಟೊಂದ್ ಜನ, ಇಲ್ಲಿ ಯಾರು ನನ್ನೊರು ಅನ್ನುತ

ಪಾದುಕೆಗಳ ಕದಿಯುತ ಓಡುತ, ಪದಕ ಗೆಲ್ಲುತ

ಸಕಲ ಸ್ನೇಹಿತರಿಗೆ ದಾರಿದೀಪ , ಆದನು ಅಪರೂಪ

ತುತ್ತು ಅನ್ನಕ್ಕಾಗಿ ತಾತನ ಮಕ್ಕಳೆಲ್ಲರೂ ಅಲ್ಲಿ  ಕಳ್ಳರು

ಆದರವರು ಓಡಿ ಓಡಿ ಕೊನೆಯಲ್ಲಿ ಎಲ್ಲರ ಮನ ಗೆದ್ದರು

       ಈ ಚಿತ್ರಕ್ಕೆ ಚಲನಚಿತ್ರಗಳ ನೆನಪಿನ ಮುಗಿಯದ ಕವನ .. :)

ಬರೆದವರು ಯಾರು... ??

|| ಪ್ರಶಾಂತ್ ಖಟಾವಕರ್ ||

ಕನಸಿನ ಮಾತು ( ಮಹಾನ್ ವಿಜ್ಞಾನಿ )

ಕನಸಿನ ಮಾತು ( ಮಹಾನ್ ವಿಜ್ಞಾನಿ )

*******************************

ಮನದ ಮಾತಿದು 

ಮರಗಿಡಗಳ ಸದ್ದು

ಮಾತಾಡಿದೆ ನೊಂದು

ಮಲಗಿರುವಾಗ ಬಂದು

ಈ ಜನರು 

ಪ್ರೀತಿಯಲ್ಲಿ ಕಿತ್ತರು 

ನಮ್ಮ ಹೂವು ಹಣ್ಣು

ಹಲವು ಬಗೆಯ ಕಾರ್ಯಕ್ಕೆ

ಬಯಸಿ ಬಳಸಿ , ಬೆಳಸದೇ..

ಮರೆತರು ನಮ್ಮನ್ನು

ಪ್ರಕೃತಿಯ ಸೌಂದರ್ಯ ಹಸಿರೆಂದು

ಹಾಡಿದರು ಹೊಗಳಿದರು ಕಲ್ಪವೃಕ್ಷವೆಂದು

ಕಾಡಿನೊಳು ನಮ್ಮನ್ನು ಕೊಂದು 

ಮಾಡಿದರು ಹಣದ ರಾಶಿಯ ಕದ್ದು ಕದ್ದು

ನುಡಿದಿದೆ ಈ ಜೀವ , ಜೀವಕ್ಕಾಗಿ ಇಂದು ..

ಈ ಲೋಕದ

ಮಹಾನ್ ವಿಜ್ಞಾನಿ 

ಶ್ರೀ ಜಗದೀಶ್ ಚಂದ್ರ ಬೋಸರು

ಮಾಡಿದ ಸಾಧನೆಯನ್ನು ... !!

ಈ ಜಗದೊಡೆಯ

ಮಹಾದೇವ ಶಿವ 

ಶ್ರೀ ಹರಿ , ಜಗದೀಶ , ಬ್ರಹ್ಮ ದೇವರು

ಮಾಡಿದ ಸೃಷ್ಟಿ ನಿಯಮವನ್ನು... !!

ಮರೆತರು ಮನುಷ್ಯರು

ಮನುಷ್ಯರೇ ಮಾಡಿದ

ನೀತಿ ನಿಯಮ , ಸಾಧನೆ 

ಅದೇಕೋ.. ಈಗಿಲ್ಲಿ  ಸ್ವಾರ್ಥ ಬದುಕಿನ ಚಿಂತನೆ.. :)

|| ಪ್ರಶಾಂತ್ ಖಟಾವಕರ್ ||

ಅನಾಥ ಕೂಗು .... ??

ಅನಾಥ ಕೂಗು

****************

ಮಣ್ಣಲ್ಲಿ ಮಲಗಿದ್ದ 

ಅವನೆದ್ದು ಕೂಗಿದ

ಹೊಡೆದಿಲ್ಲಿ ಹಾಕಿ

     ಮಣ್ಣ ಮುಚ್ಚಿದವರಾರು.. ?

ನನ್ನಕ್ಕನ ಮಗಳ

     ಮಾಂಗಲ್ಯ ಕಿತ್ತವರಾರು.. ?

ಅವಳ ಮುದ್ದು ಮನವು

     ಅನಾಥವಾಗಲು ಕಾರಣರಾರು.. ?

ಶೃಂಗಾರ ಪ್ರಿಯೆಯ

       ಸಿಂಧೂರ ಅಳಿಸಿದವರಾರು.... ?

ಮನೆಯೊಡತಿಯ ಮೌನಕ್ಕೆ ಕಾರಣ

ಆ ಅನಾಥ ಮೌನ ಬೇಸರದ ಜೀವನ

ಮಕ್ಕಳ ಮನೆಯಲ್ಲ 

ಮದುವೆ ಮುಗಿದು ಮೂರೇ ವಾರ

ಅವನ್ಯಾರೋ ಮಾಡಿದ್ದ ಪ್ರಹಾರ

ಹಣಕ್ಕಾಗಿ ನನ್ನ ಮಾಡಿ ಹೆಣವ

ಹೂತಿಟ್ಟು ಹೊರಟ 

ತೆಗೆಯಲು ಮತ್ತೊಂದು ಜೀವ

ತಿಳಿದಿಲ್ಲ ಅವನ ಹೆಸರು

ಕಂಡಿಲ್ಲ ಮುಖ ಚೂರು ಪಾರು

ಆದರೂ ನೆನಪಿದೆ ಅವನ ಉಸಿರು

ಎದ್ದು ಬಂದೆ ಮಣ್ಣಿಂದ , ಮಣ್ಣು ಮಾಡಲು

ನನ್ನಾಕೆಯನ್ನು ಅವನ್ಯಾಕೆ ಅನಾಥೆ ಮಾಡಿದ

ಅವಳಿಗೂ ಗೊತ್ತು ಈ ಮನದ ಮಾತು

  ನಾನೆದ್ದು ಬಂದರೂ ಬದುಕಿಲ್ಲ..

ನಾನಿದ್ದು ಸಹ ಮಡದಿಯು ಒಬ್ಬೊಂಟಿ

       ಅವಳೆಂದಳು ಎಲ್ಲಾ ಇದ್ದೂ ಅನಾಥೆ.... :)

|| ಪ್ರಶಾಂತ್ ಖಟಾವಕರ್ ||

ಸುಮ್ಮನೆ ನಾ ಹಾಡಿದೆ ಬರೆಯುವ ಮೊದಲೇ .. !!

ಸುಮ್ಮನೆ ನಾ ಹಾಡಿದೆ ಬರೆಯುವ ಮೊದಲೇ .. !!

*********************************************************************

ಪತ್ರವ ಬರೆದು 

ಹತ್ತಿರ ಕರೆದು

ಏನೇನೋ ಹೇಳಿದೆ

ನೀ 

ಏನೇನೋ ಹೇಳಿದೆ..

ಅಯ್ಯೋ ಅಯ್ಯೋ ..

ಎಲ್ಲವೂ ಮರೆತು ಹೋದೆ.. :)

ನಾನೆಲ್ಲವನೂ ವೂ ಆ ಓ ಹೋ...!!

ಮರೆತಿರುವ ನೆನಪು ಮಾತ್ರ

ಕೈಯ್ಯಲ್ಲೊಂದು ಖಾಲಿ ಪತ್ರ

ಬರಿಯಬೇಕು ಈಗ ನಿನಗೆ

ಪ್ರೇಮದ... ಕಾಗದ.....

ಪದಗಳೆಲ್ಲಾ ನಿನ್ನ ಉಸಿರು

ಹೊಸ ಹೆಸರು 

ನೀನೆ ನನ್ನ ಪ್ರೇಮ

ಹಾಡಲು ಎರಡು ನಿಮಿಷ

ಆಹಾ ಸಿಹಿ  ಹರುಷ......

ಪತ್ರವ ಬರೆದು 

ಹತ್ತಿರ ಕರೆದು

ಏನೇನೋ ಹೇಳಿದೆ

ನೀ 

ಏನೇನೋ ಹೇಳಿದೆ..

ಅಯ್ಯೋ ಅಯ್ಯೋ ..

ಎಲ್ಲವೂ ಮರೆತು ಹೋದೆ.. :)

ನಾನೆಲ್ಲವನೂ ವೂ ಆ ಓ ಹೋ...!!

|| ಪ್ರಶಾಂತ್ ಖಟಾವಕರ್ ||

ಸುಮ್ಮನೆ ಚಿತ್ರ ಬರೆದೆ ಸಾಲುಗಳಲ್ಲಿ

ಸುಮ್ಮನೆ ಚಿತ್ರ ಬರೆದೆ ಸಾಲುಗಳಲ್ಲಿ 

**********************

ಮನೆಯೊಳು ನುಗ್ಗಿ ನೀರು

ಮನದೊಳು ಚಿಂತೆ ನೂರು

ಹವಾಮಾನ ಸುದ್ದಿ ಜೋರು

     ವಾತಾವರಣ ಏರು  ಪೇರು  .. !!

ಪರಿಹಾರ ಕೊಡುವುದು ಯಾರು

     ಅರ್ಧ ಪಾಲು ಬಯಸುವವರು .. !!

ಹಿಂದಕ್ಕೊಮ್ಮೆ ಮುಂದಕ್ಕೊಮ್ಮೆ

     ತೂಗುಯ್ಯಾಲೆ ಈ ಜೀವನ .. :)

|| ಪ್ರಶಾಂತ್ ಖಟಾವಕರ್ ||