ಕೊನೆ ಇಲ್ಲದ ಕನಸುಗಳು

ಕೊನೆ ಇಲ್ಲದ ಕನಸುಗಳು

***********************

ಅಲ್ಲೊಂದು ತಂಪಾದ ಉದ್ಯಾನ

ಚಿಲಿಪಿಲಿ ಸದ್ದು ಇಂಪಾದ ಮಧ್ಯಾಹ್ನ

ಮದುವೆಯ ಸಿಹಿ ಸವಿರುಚಿ ಭೋಜನ

ತುಸು ವಿಶ್ರಾಮ ಮರದ ನೆರಳಿಗೆ ಆ ದಿನ

ಶ್ವೇತ ವರ್ಣ ಸೌಂದರ್ಯ ರಾಣಿ

ನಾನಲ್ಲಿ ನೋಡಿದ ಮುದ್ದು ಅರಗಿಣಿ

ನಯನಗಳು ಮಿಂಚಲು ಮಿಣಿ ಮಿಣಿ

ಮನಸ್ಸು ಏರಿತು ಕನಸುಗಳ ಏಣಿ

ಅಲ್ಲೊಂದು ಕೂಗಿನ ಜೊತೆ ಮೌನ ನಗು

ಹತ್ತಿರಕ್ಕೆ ಬಂದ ಆ ಚೆಲುವೆಯ ಸೊಬಗು

ನೋಡು ನೋಡುತ್ತಿದ್ದಂತೆಯೇ ಗುಡುಗು

ಏಳಾಗಿದೆ ಗಂಟೆ ಎದ್ದೇಳೋ..!! ಅಪ್ಪನ ಕೂಗು

ಕೊನೆಗಿಲ್ಲಿ ಎಲ್ಲವೂ ಕೊನೆ ಇಲ್ಲದ ಕನಸುಗಳು .. :)

|| ಪ್ರಶಾಂತ್ ಖಟಾವಕರ್ ||