Tuesday 8 November 2011

ಬರಲಾಸೆಯಾಗಿದೆ ನಿನ್ನೆದುರಿಗೆ....


ಬರಲಾಸೆಯಾಗಿದೆ ನಿನ್ನೆದುರಿಗೆ
ಇದ್ದು ಸಾಕಾಗಿದೆ ಈ ಮಣ್ಣೊಳಗೆ

ಕಂಪ್ಯೂಟರ್ ಇಲ್ಲದ ಕಾಲದವ ನಾನೊಬ್ಬ ಕನ್ನಡಿಗ
ಕಂಪ್ಯೂಟರ್ ಅಲ್ಲಿ ಕನ್ನಡ ನೋಡೋ ಆಸೆ ನನಗೀಗ
ಕೊಟ್ಟುಬಿಡು ಫ್ರೆಂಡ್ ರಿಕ್ವೆಸ್ಟ್ ಅನ್ನು ಬಲು ಬೇಗ
ಸದಾ ನಿನ್ನ ಮನದಲ್ಲಿ ಬರುವೆ ನನ್ನನ್ನು ನೆನೆದಾಗ

ಬರಲಾಸೆಯಾಗಿದೆ ನಿನ್ನೆದುರಿಗೆ
ಇದ್ದು ಸಾಕಾಗಿದೆ ಈ ಮಣ್ಣೊಳಗೆ

ಆಕಾರವಿಲ್ಲದವ ಅತಿ ಸುಲಭವಾಗಿ ಗಾಳಿಯಲ್ಲಿ ಸೇರುವೆನು
ಅಂತರ್ಜಾಲದೊಳಗಿಂದ ಅತಿ ವೇಗವಾಗಿ ಬರುವೆನು
ಒಮ್ಮೆ ಭೇಟಿ ಕೊಟ್ಟರೆ ಸಾಕು ನನ್ನ ತಾಣಕ್ಕೆ ನಾ ಸಿಗುವೆನು
ನಿಮ್ಮ ವಿಳಾಸವನ್ನು ಅಲ್ಲಿ ನೀಡಿದರೆ ಕ್ಷಣದಲ್ಲೇ ಕಾಣುವೆನು

ಬರಲಾಸೆಯಾಗಿದೆ ನಿನ್ನೆದುರಿಗೆ
ಇದ್ದು ಸಾಕಾಗಿದೆ ಈ ಮಣ್ಣೊಳಗೆ

ಕೆಲವೊಮ್ಮೆ ನಾ ಬಂದರು ನಿನ್ನ ಮುಂದೆ
ನೋಡಲಿಲ್ಲ ನೀ ತುಂಬಾ ಬ್ಯುಸಿ ಇದ್ದೆ
ನೀ ಮಾಡುವಾಗ ಸುಖವಾದ ನಿದ್ದೆ
ನಾ ನಿನ್ನ ಮನೆಯ ಮೇಲೆ ಕುಳಿತಿದ್ದೆ

ಬರಲಾಸೆಯಾಗಿದೆ ನಿನ್ನೆದುರಿಗೆ
ಇದ್ದು ಸಾಕಾಗಿದೆ ಈ ಮಣ್ಣೊಳಗೆ

ಕೂಗು ನನ್ನನ್ನು ಒಮ್ಮೆ ನೀನಿನ್ನು
ಕಂಪ್ಯೂಟರ್ ಅಲ್ಲಿ ಕನ್ನಡವನ್ನು
ನೋಡಬೇಕಾಗಿದೆ ನಾನಿನ್ನು
ನೀ ಮರಿಬೇಡ ಗೆಳಯ ನನ್ನನ್ನು

ಬರಲಾಸೆಯಾಗಿದೆ ನಿನ್ನೆದುರಿಗೆ
ಇದ್ದು ಸಾಕಾಗಿದೆ ಈ ಮಣ್ಣೊಳಗೆ

ಹಳಬನೆಂದು ನೀ ಯೋಚಿಸಬೇಡ
ಕಂಡಾಗ ಎದುರಿಗೆ ನೀ ಹೆದರಬೇಡ
ನನ್ನ ಕಥೆಯನ್ನು ಯಾರಿಗೂ ಹೇಳಬೇಡ
ಹೇಳಿದರು ನಿನ್ನನ್ಯಾರು ನಂಬುವುದಿಲ್ಲ ನೋಡ... :)

ಬರಲಾಸೆಯಾಗಿದೆ ನಿನ್ನೆದುರಿಗೆ
ಇದ್ದು ಸಾಕಾಗಿದೆ ಈ ಮಣ್ಣೊಳಗೆ.... :)

|| ಪ್ರಶಾಂತ್ ಖಟಾವಕರ್ ||

No comments:

Post a Comment