ಸ್ವರ್ಗ ಹುಡುಕುತ

 

ಸ್ವರ್ಗ ಹುಡುಕುತ

*****************

 ಸ್ವರ್ಗವು ಎಲ್ಲಿದೆ

ಪ್ರೇಯಸಿಯ ಪ್ರಶ್ನೆ

ನರಕವು ಗೊತ್ತಿದೆ

ಪ್ರಿಯತಮನ ಉತ್ತರ

 ಆಸೆಯು ಅತಿಯಾಗಿದೆ

ಸ್ವರ್ಗವ ನೋಡಲು

ಕುತೂಹಲ ಹೆಚ್ಚಾಗಿದೆ

ಆ ಸೌಂದರ್ಯ ಸವಿಯಲು

ಪ್ರೇಯಸಿಯು ಕೇಳಿದಳು..

 ಬೇಡ ಬೇಡ ಅತಿ ಆಸೆಯು

ನರಕವ ನೀ ನೋಡಲಾರೆ

ರೋಮಾಂಚನ ಆ ತಾಣ , ಆದರೂ

ಸ್ವರ್ಗದ ರೂಪದೊಳು ನರಕವು

ಎಲ್ಲವೂ ರಹಸ್ಯಮಯ ಜಗವು

 ಹುಡುಕಲು ಎಲ್ಲೂ ಇಲ್ಲ ಜಾಣೆ

ನೀ ಕೇಳಿದ ಆ ಸ್ವರ್ಗವು

ನಮ್ಮ ಪಾಲಿಗೆ ಸಿಕ್ಕಿದ್ದೇ ಸುಖವೆಂದು

ಒಮ್ಮೆ ನಂಬಿದರೆ ಅದೇ ನಿಜ ಸ್ವರ್ಗವು

ಅನುಭವಿಸಲು ಸ್ವರ್ಗ ಸುಖವ

ಮೊದಲು ಕಲಿಯಬೇಕು ಬದುಕಲು

ಸ್ನೇಹ  ಸಂಬಂಧ  ಪ್ರೇಮವ ತಿಳಿದರೆ

ಈ ಬಾಳಿನಲ್ಲಿ ಇಡೀ ಜಗವೇ ಸ್ವರ್ಗಕ್ಕೆ ಸಮ.. :)

 

|| ಪ್ರಶಾಂತ್ ಖಟಾವಕರ್ ||